काठमाडौं । सुनचाँदी बजारमा आज सुनको मूल्य घटेको छ । बिहीवार छापावाला सुनको मूल्य प्रतितोला १ लाख २ हजार ५ सय रुपैयाँ कायम गरिएको छ ।
बुधवार १ लाख ३ हजार रुपैयाँ रहेको सुनको मुल्य आज प्रतितोला ५ सय रुपैयाँले घटेर १ लाख २ हजार ५ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख २ हजार रुपैयाँ कायम भएको छ भने चाँदी प्रतितोला १० रुपैयाँले घटेर १ हजार २ सय ८५ रुपैयाँ तोकिएको महासंघले जनाएको छ ।
