काठमाडौं । सुनचाँदी बजारमा आज सुनको मूल्य घटेको छ । बुधवार छापावाला सुन प्रतितोला १ लाख ६ हजार २ सय रुपैयाँ कायम भएको छ ।
मंगलवार प्रतितोला १ लाख ६ हजार ३ सय रुपैयाँमा कारोबार भएको सुन आज १ सय रुपैयाँले घटेर १ लाख ६ हजार २ सय रुपैयाँ कायम गरिएको नेपाल सुनचाँदी व्यवसायी महासंघले जनाएको छ ।
त्यस्तै तेजावी सुन प्रतितोला १ लाख ५ हजार ७ सय रुपैयाँ कायम भएको छ भने चाँदी प्रतितोला १ हजार ३ सय ६५ रुपैयाँ तोकिएको महासंघले जनाएको छ ।
