काठमाडौं । हिमालयन बैंकमा गाभिन लागेका सिभिल बैंकको नाफा६३ करोड ७० लाख रुपैयाँ पुगेको छ ।अर्थिक वर्ष २०७८/७९ पुस मसान्तसम्ममा बैंकले सो रकम बराबरको नाफा आर्जन गरेको हो । गत वर्ष यस्तो रकम ५० करोड ४० लाख रुपैयाँ रुपैयाँ रहेको थियो । गतवर्षको तुलनामा यो २६.३९ प्रतिशत बढी हो।
बैंकको खुद व्याज आम्दानी २ अर्ब २५ करोड रुपैयाँ रहेको छ भने गत आर्थिक वर्षको सोही अवधिमा १ अर्ब ४६ करोड रहेको थियो । सो अवधिसम्ममा बैंकको वितरणयोग्य मुनाफा २५ करोड २२ लाख रुपैयाँ रहेको छ।
सो अवधिमा बैंकले सञ्चालन नाफा ९० करोड ३९ लाख रुपैयाँ आर्जन गरेको छ । पुस मसान्तसम्ममा बैंकको निक्षेप संकलन ९४ अर्ब ७१ करोड रहेको छ भने कर्जा लगानी ८४ अर्ब ८ करोड गरेको छ । बैंकको प्रतिशेयर आम्दानी १४ रुपैयाँ ०४ पैसा रहेको छ । सो अवधिसम्ममा बैंकको मूल्य आम्दानी अनुपात १६.६७ गुणा रहेको छ भने प्रतिशेय नेटवर्थ १३५.९६ रुपैयाँ छ।
