काठमाडौं । नबिल बैंकको नाफा ५६ प्रतिशतले बढेको छ । बैंकले सार्वजनिक गरेको विवरण अनुसार पुसमसान्तसम्ममा बैंकको नाफा ३ अर्ब ४१ करोड ७६ लाख रुपैयाँ रुपैयाँ रहेको छ । गत वर्ष यस्तो नाफा २ अर्ब १८ करोड १४ लाख रुपैयाँ रहेको थियो । गतवर्षको तुलनामा यो ५६.७७ प्रतिशत बढी हो ।
सो अवधिसम्ममा बैंकको वितरणयोग्य मुनाफा ९७ करोड १३ लाख रुपैयाँ रहेको छ। सो अवधिमा बैंकले सञ्चालन नाफा ४ अर्ब ८६ रुपैयाँ आर्जन गरेको छ । पुस मसान्तसम्ममा बैंकको निक्षेप संकलन ३ खर्ब ४७ अर्ब रहेको छ भने कर्जा लगानी ३ खर्ब १५ अर्ब गरेको छ ।
बैंकको प्रतिशेयर आम्दानी २५ रुपैयाँ २६ पैसा पैसा रहेको छ । सो अवधिसम्ममा बैंकको मूल्य आम्दानी अनुपात २८.१९गुणा रहेको छ भने प्रतिशेय नेटवर्थ १ सय ९९ रुपैयाँ १२ रुपैयाँ छ।
