काठमाडौं । भारतीय आयल कर्पोरेसन (आईओसी)ले नेपाल आयल निगमलाई इन्धनको नयाँ मूल्यसूची पठाएको छ । नयाँ सूचीअनुसार पेट्रोलको मूल्य प्रतिलिटर २ रुपैयाँ ५१ पैसा बढेर आएको हो ।
डिजेल भने प्रतिलिटर ३ रुपैयाँ ७३ पैसा घटेर आएको छ । १५–१५ दिनमा नयाँ मूल्यसूची पठाउने सहमतिअनुरुप आईओसीले निगमलाई नयाँ सूची आज पठाएको हो ।
निगमले पुस २१ गते पेट्रोल र डिजेलमा ३/३ रुपैयाँ घटाएको थियो भने हवाई इन्धनमा ३० रुपैयाँ घटाएको थियो । अहिले पेट्राेलकाे मूल्य १ सय ७५ रुपैयाँ र डिजेलकाे मूल्य १ सय ७२ रुपैयाँ रहेकाे छ भने हवाई इन्धनकाे मूल्य १ सय ६० रुपैयाँ रहेकाे छ ।
