भक्तपुर । भक्तपुरको चाँगुनारायण नगरपालिकाको बेरुजु रकम सात करोड नजिक पुगेको छ। नगरपालिकाको मंगलबार सुरु भएको नगरसभामा बेरूजु रकम ६ करोड ८६ लाख ४२ हजार ८ सय ७३ रुपैयाँ पुगेको जानकारी दिइएको हो।
नगरपालिकाका अनुसार यो बेरुजु आर्थिक वर्ष २०७४/७५ देखि आर्थिक वर्ष २०७७/७८ सम्मको हो। नगरपालिकाका ३३ वटा शीर्षकमा बेरुजु रहेको प्रतिवेदनमा उल्लेख छ।
प्रतिवेदनका अनुसार सबैभन्दा बढी बेरुजु आर्थिक वर्ष २०७७/७८ मा उपभोक्तामार्फत गरिएको काममा रहेको छ। त्यसता काममा एक करोड २८ लाख ८९ हजार ८ सय ६४ रुपैयाँको बेरुजु रहेको बताइएको छ।
