काठमाडौं । नेपाली सेनाले काठमाडौं–तराई/मधेश द्रुतमार्ग सडक आयोजनाका लागि करारमा कर्मचारी माग गरेको छ । शुक्रवार काठमाडौं–तराई/मधेश द्रुतमार्ग सडक आयोजना जंगी अड्डाले सूचना जारी गर्दै १८ जना कर्मचारी माग गरेको हो ।
इच्छुक नागरिकले सूचना प्रकासित भएको मितिले १५ दिनभित्र आवेदन दिन सक्ने आयोजनाले जनाएको छ । साधारण लेखपढ गरेका र बोट विरुवा रोपाइ तथा हेरचाहकाे ज्ञान भएको हुनपर्ने सूचनामा उल्लेख छ । सो कार्यको लागि आयोजनाले तलब १८ हजार तोकेको छ ।
