काठमाडौं । यातायात व्यवस्था विभागले ट्रार्फिक नियमको उल्लङ्घन गर्ने सवारी साधनबाट ३ लाख ४८ हजार ७ सय ५० रुपैयाँ उठाएको छ । विभागले ४ सय ५६ सवारी साधनबाट सो बराबरको रकम उठाएको हो ।
विभागले मंसिर महिनामा नियम उल्लङ्घन गरेवापत सवारी चालक अनुमति पत्र १ सय १ वटा तथा सवारी दर्ता किताव र सवारी इजाजत पत्रबाट ३ सय ५५ जनालाई कारवाही गरेको हो । विभाग प्रबक्ता इश्वर दत्त पनेरुका अनुसार सो रकम नेपाल सरकारको राजस्व खातामा दाखिला गरेको जनाएको छ ।
सवारी तथा यातायात व्यवस्था ऐन २०४९ नियमवली २०५४ तथा यातायात व्यवस्थापन कार्यविधि २०६० स्रशोधित बमोजिम यस विभागबाट ट्रार्फिक नियमको पालना भए /नभएको सम्वन्धमा नियमित रुपमा सवारी अनुगमन मार्य हुनुपर्ने व्यवस्था छ ।
उक्त व्यवस्था अनुसार देशव्यापी रुपमा नियमित सवारी अनुगमन गरेको आधारमा सो राजस्व संकलन भएको विभागले जनाएको छ ।
