काठमाडौं । नेपाल सरकारको मंसिर २५ गते आइतबार बसेको मन्त्रिपरिषद्को बैठकले ७ वटा निणर्यहरु गरेको छ । आइतबार बसेको मन्त्रिपरिषद्को बैठकले सार्वजनिक संस्थान सुझाव समितिलाई थप प्रभावकारी र समावेशी बनाउन दुई जना महिला सदस्य गर्ने निर्णय गरेको छ ।
त्यस्तै, गोदक–सोयक १ सय ३२ के.भी प्रसारण आयोजनाको लागि जग्गा प्राप्ति गर्ने र प्रारम्भिक कारबाही चलाउने अधिकारी तोक्ने निर्णय गरेको छ । मूलुकी फौजदारी कार्यविधि संहिता (पहिलो संशोधन) अध्यादेश २०७९ जारी गर्ने समाननीय राष्ट्रपति समक्ष सिफारिस गर्ने निर्णय गरेको छ ।
त्यस्तै, राजपत्राङ्किक प्रथम श्रेणीका सहसचिव राम आधार साहलाई नेपाल इञ्जिनियरिङ सेवाको समुहकरण तर्फको राजपत्राङ्किक प्रथम श्रेणीमा बढुवा गरि प्रधानमन्त्री तथा मन्त्रिपरिषद्को कार्यालयको सचिव पदमा पदस्थापना गर्ने निर्णय गरेको छ । प्रधानमन्त्री तथा मन्त्रिपरिषद्को कार्यालयका नेपाल इञ्जिनियरिङ सेवाको समुहकरण तर्फका सचिव सुरेश आर्चायलाई सहरी विकास मन्त्रालयको सचिव पदमा सरुवा गर्ने निर्णय गरेको छ ।
