काठमाडौं । भारतीय आयल कर्पोरेसन (आईओसी) ले नेपाल आयल निगमलाई नयाँ मूल्य सूची पठाएको छ ।
बुधवार पठाएको नयाँ मूल्यसूची अनुसार पेट्रोलको मूल्य प्रतिलिटर ३ रुपैयाँ १६ पैसा बढेको छ भने डिजेलको मूल्य घटेर आएको छ । डिजेलको मूल्य प्रतिलिटर १ रुपैयाँ ३० पैसा घटेर आएको निगमले जनाएको छ ।
नयाँ मूल्यअनुसार अब निगमलाई पेट्रोलमा प्रतिलिटर १०.७६ रुपैयाँ नाफा हुनेछ। यसअघि निगमलाई प्रतिलिटर पेट्रोलमा १३.९२ रुपैयाँ नाफा थियो। यस्तै डिजेलमा भने प्रतिलिटर १० रुपैयाँ ८३ रुपैयाँ घाटा रहने निगमले जनाएको छ ।
हाल नेपालमा पेट्रोलको मूल्य प्रतिलिटर १ सय ८१ रुपैयाँ र डिजेलको मूल्य प्रतिलिटर १ सय ७८ रुपैयाँ कायम रहेको छ ।
