काठमाडौं । नेपाल राष्ट्र बेंकले उपदान तथा पेन्सन कोष र अवकास कोषमा रहेको ४० करोड रुपैयाँ मुद्धाती निक्षेपमा लगानी गर्ने भएको छ । बैंकले मंगलबार सुचना जारी गर्दै क, ख र ग वर्गका बैंक तथा वित्तीय संस्थाहरुले मद्धती निक्षेपमा लगानी गर्न लागेको हो ।
राष्ट्र बैंकले क वर्गको वाणिज्य बैंकहरुमा ३२ करोड, ख वर्गका विकास बैंकहरुमा ६ करोड र ग वर्गका बैंक तथा वित्तीय संस्थाहरुमा २ करोड रुपैयाँ लगानी गर्ने भएको छ ।
निक्षेप लिन चाहाने इजाजतप्राप्त बैंक तथा वित्तीय संस्थाहरुले आफुले लिन चाहेको रकम तथा उक्त रकमको लिनका लागि प्रस्ताव गरेको व्याजदर समेत खुलाई मंसिर ८ गते कार्यलय समय भित्र जानकारी गराउन राष्ट्र बैंकले अनुरोध गरेको छ । सो निक्षेपको अवधि ३६७ दिन अवधिको हुनेछ ।
