काठमाडौं । आज सुनचाँदी बजारमा सुनको मूल्य बढेको छ । सोमवार छापावाला सुनको मूल्य प्रतितोला ९७ हजार २ सय रुपैयाँ कायम भएको छ ।
आइतवार प्रतितोला ९६ हजार ७ सय रुपैयाँमा कारोबार भएको सुन आज प्रतितोला ५ सय रुपैयाँले बढेर ९७ हजार २ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । छापावाला सुन आइतवार पनि एकैदिन ६ सय रुपैयाँले बढेको थियो ।
त्यस्तै, तेजावी सुन प्रतितोला ९६ हजार ७ सय रुपैयाँ कायम भएको छ भने चाँदी प्रतितोला ५ रुपैयाँले घटेर १ हजार २ सय ९५ रुपैयाँ कायम भएको महासंघले जनाएको छ ।
