काठमाडौं । आइतवार सुनचाँदी बजारमा सुनको मूल्य बढेको छ । आज छापावाला सुन प्रतितोला ९७ हजार ३ सय रुपैयाँ तोकिएको छ ।
गत शुक्रवार प्रतितोला ९६ हजार ७ सय रुपैयाँमा कारोबार भएको सुन आज प्रतितोला ६ सय रुपैयाँले बढेर ९७ हजार ३ सय रुपैयाँ तोकिएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला ९६ हजार ८ सय रुपैयाँ तोकिएको छ भने चाँदी प्रतितोला ५ रुपैयाँले बढेर १ हजार ३ सय रुपैयाँ तोकिएको महासंघले जनाएको छ ।
