काठमाडौं । सवारी चालक अनुमति पत्र (लाइसेन्स) अनलाइन आवेदन अनिश्चितकालका लागि बन्द भएको छ । यातायात व्यवस्था विभागले एक सुचना जारी गर्दै मसिंर १ गतेदेखि अर्को सूचना प्रकाशित नभएसम्मका लागि बन्द हुने जानकारी दिएको हो ।
मंसिर ४ गते हुन लागेको प्रतिनिधि सभा र प्रदेश सभाको निर्वाचनको लागि सम्बन्धित कार्यालयका कर्मचारीहरु समेत खटिनु पर्ने भएकोले अर्को सूचना प्रकाशित नभए सम्मका लागि अनलाइन आवेदन बन्द गर्ने लागेको विभागले जनाएको छ ।
चुनावका विभिन्न सेवाका सरकारी कर्मचारीहरुलाई निर्वाचन आयोगले परिचालन गर्ने गरेको छ। यो सेवा कहिलेसम्मका लागि बन्द गर्ने भन्ने विषयमा विभागले जानकारी दिएको छैन् ।
