काठमाडौं । डेंगी संक्रमणबाट लमजुङकी पत्रकार चाँदनी अधिकारीको निधन भएको छ। लमजुङको रेडियो भोटेओडारमा कार्यरत पत्रकार चाँदनी अधिकारीको बुधवार बिहान निधन भएको हो ।
सामान्य ज्वरो र बान्ताको समस्या देखिएपछि मंगलबार अधिकारीलाई बेशीसहरको मोडल अस्पतालमा भर्ना गरिएको थियो । समस्या बढ्दै गएपछि उनीलाई मंगलबार थप उपचारका लागि चितवनको मेडिकल कलेज लगिएको थियो।
मेडिकल कलेजमा उपचारकै क्रममा बुधबार बिहान साँढे ६ बजे चिकित्सकले अधिकारीलाई मृत घोषणा गरेका थिए । विगत डेढबर्षदेखि रेडियो भोटेओडारमा कार्यरत अधिकारी प्रेस सेन्टर नेपाल लमजुङको सचिव, सञ्चारिका समूह लमजुङको सहसचिव थिइन । नेपाल पत्रकार महासंघ लमजुङ शाखाले एक शोक विज्ञप्ति जारी गरी अधिकारीको निधनमा दुःख व्यक्त गरेको छ ।
