काठमाडौं । काठमाडौं उपत्यकामा एकैदिन३ हजार ४ सय ७५ जना सवारी चालक कारवाहीमा परेका छन् । टाफिक नियम उल्लङ्घन गरेको कारणले उनीहरुलाई शुक्रबार विहीबार उपत्यकाको विभिन्न स्थानबाट कारवाही गरिएको काठामाडौं उपत्यका ट्राफिक प्रहरी कार्यालयले जनाएको छ ।
कारबाहीमा पर्नेमा मादक पदार्थ सेवन गरी सवारी साधन चलाउने २ सय ७२ जना, लेन अनुशासन पालना नगर्ने ९२ जना, रेड लाइडमा सवारी साधन चलाउने ३८ जना, निषेधित क्षेत्रमा हर्न बजाउने १ सय ४९ र नम्बर प्लेट राम्रोसँग नराख्ने १ सय ८९ जना चालक रहेका छन् । यस्तै २ हजार ७ सय ३५ जना सवारी चालकलाई अन्य कारबाही गरिएको कार्यालयले जनाएको छ ।
