काठमाडौं । निर्वाचन आयोगले नेपाली कांग्रेसका महामन्त्री विश्वप्रकाश शर्मासँग स्पष्टीकरण माग गरेको छ । आयोगले शर्मामाथि आचारसंहिता उल्लंघन गरेको उजुरी परेपछि २४ घण्टे स्पष्टीकरण माग गरेको हो ।
आगलागीपीडित केबल निरौलाको घर निर्माणका लागि अमेरिकाबाट प्राप्त भएको २ लाख ५० हजार रुपैयाँ हस्तान्तरण गरेको फोटो फेसबुकमा सार्वजनिक गरेको भेटिएको आयोगले जनाएको छ। आगलागी पीडितलाई पैसा वितरण गरेको भन्दै उजुरी परेपछि आयोगले शर्मालाई स्पष्टीकरण सोधेको हो ।
आयोगले रकम हस्तान्तरण भएको बारे के कस्तो भएको हो ? र नगद वितरण कार्य भएको हो भने निर्वाचन आयोग ऐन, २०७३ को दफा २३ को उपदफा (३) र उपदफा (४) बमोजिम किन कारबाही गर्नु नपर्ने हो ? भनि प्रश्नसमेत सोधेको छ ।
