काठमाडौं । पशुपति क्षेत्र विकास कोषले काठमाडौंको गौशाला धर्मशालालाई ३५ दिने अल्टिमेटम दिएको छ । कोषले शुक्रवार सूचना जारी गर्दै उद्देश्य विपरित सञ्चालन गरेको भन्दै धर्मशालालाई ३५ दिने अल्टिमेटम दिएको हो ।
मारवाडी सेवा समिति नेपालले सञ्चालन गर्दै आएको गौशाला धर्मशालामा गौपालन, नन्दी सेवा र तिर्थयात्रीहरुलाई आवासका रुपमा प्रयोग गर्नुपर्नेमा सो समितिले सम्झौता विपरित गरेकोले कोषले त्यस्ता सम्झौता विपरित र मापदण्ड विपरितका संरचनाहरु ३५ दिनभित्र हटाउन निर्देशन दिएको छ ।
समितिले ३५ दिनभित्र त्यस्ता संरचना नहटाएमा नियम अनुसार नै जाने समेत चेतावनी दिएको छ ।
