काठमाडौं । सुनचाँदी बाजारमा आज सुनको मूल्य घटेको छ । सोमवार छापावाला सुन प्रतितोला ९५ हजार २ सय रुपैयाँ कायम भएको नेपाल सुनचँदी व्यवसायी महासंघले जनाएको छ ।
आइतवार प्रतितोला ९६ हजार रुपैयाँमा कारोबार भएको सुन आज प्रतितोला ८ सय रुपैयाँले घटेर ९५ हजार २ सय रुपैयाँ कायम भएको छ ।
त्यस्तै, तेजावी सुन प्रतितोला ९४ हजार ७ सय रुपैयाँमा कारोबार भएको छ भने चाँदी २५ रुपैयाँले घटेर १ हजार २ सय ५५ रुपैयाँ कायम भएको महासंघले जनाएको छ ।
