काठमाडौं । नेपाल राष्ट्र बैंकले आजको विदेशी मुद्राको विनिमयदर सार्वजनिक गरेको छ । सो विवरण अनुसार आज अमेरिकी डलरको मूल्य बढेको छ । डलरको भाउअहिलेसम्मकै उच्च मुल्यमा पुगेको छ ।
सोमबार १ सय २९ रुपैयाँ २९ पैसा रहेको अमेरिकी डलरको मूल्य मंगलबार १ सय ३० रुपैयाँ ९० पैसा कायम भएको छ। त्यस्तै, यूरोको मूल्य पनि बढेको छ ।
युरोपियन युरो आज १ को खरिददर १ सय २५ रुपैयाँ ७४ पैसा र बिक्रीदर १ सय २६ रुपैयाँ ३२ पैसा रहेको छ । त्यसैगरि, पाउण्ड स्टर्लिङ १ को खरिददर १ सय ३९ रुपैयाँ ८८ पैसा र बिक्री दर १ सय ४० रुपैयाँ ५२ पैसा रहेको छ ।
