काठमाडौं । कारोबार खुलेको पहिलो दिन नै राप्ती हाइड्रोको शेयर ९७ हजार कित्ता कारोबार भएको छ । बुधबारदेखि सुरु भएको सो कम्पनीको शेयर आज ९७ हजार ६ सय ५३ कित्ता कारोबार भएको हो ।
कम्पनीको शेयरका कारोबारका लागि नेप्सेले ३ सय १९ रुपैयाँको अधिकतम ओपनिङ रेञ्ज तोकेको थियो । माथिल्लो रेञ्जबाट कारोबार सुरु भएको कम्पनीको शेयर केही बेरमै सकारात्मक सर्किट लागेर ३ सय ५० रुपैयाँसम्म पुगेको थियो ।
तर, पहिलो दिनकै वृद्धि लामो समय भने टिक्न सकेन । सकारात्मक सर्कट लागेको शेयर क्रमशः घट्दै ३ सय २१ दशमलव १० रुपैयाँमा झरेर बन्द भएको छ । यो सुरुको कारोबार भन्दा ०.९७ प्रतिशत मात्रै बढी हो ।
मंगलबार राप्ती हाइड्रोको ६१ लाख कित्ता शेयर नेप्सेमा सूचीकृत भएको हो । केही समय अघि मात्रै सो कम्पनीले साधारण शेयर निष्कासन गरेको थियो ।
