काठमाडौं । सगरमाथा इन्स्योरेन्स कम्पनी र लुम्बिनी जनरल इन्स्योरेन्स कम्पनीले एक आपसमा मर्जरमा जाने अन्तिम सहमति गरेका छन् । आज बिहान ९ बजे दुबै कम्पनीका अध्यक्षहरुले सहमतिपत्रमा हस्ताक्षर गरेका हुन् ।
सहमतिपत्रमा सगरमाथा इन्स्योरेन्स कम्पनीका सञ्चालक लोकमान्य गोल्छा र लुम्बिनी जनरलको तर्फबाट सञ्चालक अरुण राज श्रेष्ठले हस्ताक्षर गरेका हुन् । बीमा समितिले बीमा कम्पनीहरुलाई मर्जरमा जान दवाव दिए सँगै सगरमाथा र लुम्बिनी जनरल इन्स्योरेन्स कम्पनीले सहमति जुटाएका हुन् ।
हाल सगरमाथाको चुक्ता पूँजी १ अर्ब ३३ करोड रुपैयाँ छ भने लुम्बिनीको १ अर्ब ३१ करोड रुपैयाँ रहेको छ । मर्जरमा जाने सहमति गरेसँगै यी दुबै कम्पनीको नेप्सेले शेयर कारोबार आजदेखि रोक्का हुने भएको हो ।
