काठमाडौं । बढ्दो कोरोना जोखिमलाई ध्यानमा राखेर काठमाडौं उपत्यकामा निर्माण सामग्री ढुवानी बन्द गर्ने निर्णय गरिएको छ ।
काठमाडौं उपत्यकाका प्रमुख जिल्ला अधिकारीहरुको मंगलबार बसेको बैठकले जेठ १४ बाट लागू हुनेगरि उक्त निर्णय गरेका हुन् ।
सरकारी कार्यालयका सवारी–साधन सञ्चालनमा पनि प्रजिअहरुले कडाई गर्ने निर्णय गरेका छन् ।
जेठ १४ बाट लागू हुनेगरी विहान १० बजेपछि साँझ पाँच बजेसम्म सरकारी गाडी संचालनमा कडाई गरिने प्रजिअ कालीप्रसाद पराजुलीले बताए ।
बिमा कम्पनी र बैंकका कार्यालय संचालनमा थप सीमितता ल्याउने निर्णय गरिएको छ ।
सरकारले कोभिड–१९ संकट व्यवस्थापन अध्यादेश जारी गरिसकेको अवस्थामा त्यसलाई प्रभावकारी कार्यान्वयन गर्ने प्रशासनको तयारी छ ।
