काठमाडौं । आज देशभरका अस्पतालमा आकस्मिक बाहेकका सबै सेवा बन्द भएको छ । साउन ९ गते वीरगञ्जस्थित नारायणी अस्पतालमा कार्यरत चिकित्सक तथा स्वास्थ्यकर्मीमाथि भएको हातपातको विरोधमा चिकित्सकहरू आन्दोलित भएका हुन्।
चिकित्सकहरू आन्दोलित बनेसँगै सबै अस्पतालमा आकस्मिक बाहेकका सेवा ठप्प भएका हुन् ।
नेपाल चिकित्सक संघले सो घटनाको विरोधमा अस्पतालमा सेवा बन्द गरिएको विज्ञप्तिमार्फत जनाएको छ । नारायणी अस्पतालमा बिरामीको मृत्युपछि चिकित्सकमाथि हातपात गर्दा त्यहाँ कार्यरत डा प्रमोद रामको टाउकोमा चोट लागेको छ । उक्त घटनामा संलग्न दोषीलाई तत्काल पक्राउ गरी कारबाही गर्नुपर्ने माग संघले गरेको छ ।
