मङ्गलबार । नेपाल स्टक एक्सचेञ्ज परिसुचक (नेप्से) ५६.७३ अंकले बढेको छ । आज साताको तेस्रो दिन नेप्से बढदा २ हजार ४ सय १५ दशमलव ५५ अंकमा पुगेको छ ।
आज बजारमा २ अर्ब ३८ करोड ३२ लाख रुपैयाँ बराबरको कारोवार भएको छ । आज सबै समुह र उपसमुहका सुचकहरु बढेका छन् ।
आज बजारमा ग्रीन डेभलपमेन्ट बैंकको शेयर मुल्य सर्वाधिक १० प्रतिशतले बढेको छ भने गोर्खा फाइनान्सको शेयरमूल्य सर्वाधिक ८.८९ प्रतिशतले घटेको छ ।
बजारमा आज १ सय ८९ कम्पनीको शेयर कारोबार भएकोमा १ सय ८० कम्पनीको शेयरमूल्य बढेको छ । ६ कम्पनीको मूल्य घट्दा ३ कम्पनीको मूल्य स्थिर रहेको छ ।
बैंकिङ क्षेत्रमा भएको तरलता संकटलाई टार्न अर्थ मन्त्रालयले नीतिगत निर्णय गर्न लागेपछि आजको शेयर बजारमा सुधार देखिएको हो । मन्त्रालयले स्थानीय तहमा जाने रकमको ८० प्रतिशत रकमलाई वाणिज्य बैंकहरुले निक्षेपमा गणना गर्न पाउने व्यवस्था गर्ने तयारी गरेको जनाएको छ ।
आजको सुधारसँगै बजार पुनः २ हजार ४ सय भन्दा माथि पुगेको छ ।
