काठमाडौं । सुनचाँदी बजारमा आज सुनको मूल्य ५ हजार ३०० रुपैयाँले बढेको छ । आज छापावाला सुनको मूल्य प्रतितोला १ लाख ८९ हजार ९०० रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
सोमबार प्रतितोला १ लाख ८४ हजार ६०० रुपैयाँमा कारोबार भएको सुनको मूल्य आज ५ हजार ३०० रुपैयाँले बढेर प्रतितोला १ लाख ८९ हजार ९०० रुपैयाँमा कायम भएको महासंघले जनाएको छ ।
चाँदीको मूल्य पनि बढेको छ । सोमबार तोलामा १ हजार ९१० रुपैयाँ कायम भएको चाँदीको मूल्य आज बढेर तोलामा १ हजार ९६५ रुपैयाँ कायम भएको महासंघले जनाएको छ ।
