काठमाडौं । सरकारले सोमबार बसेको मन्त्रिपरिषद् बैठकमार्फत विभिन्न १९ महत्वपूर्ण निर्णयहरू गरेको छ । बुधबार सञ्चार तथा सूचना प्रविधिमन्त्री पृथ्वी सुब्बा गुरुङले पत्रकार सम्मेलनमार्फत ती निर्णयहरू सार्वजनिक गरेका हुन् ।
बैठकले शासकीय सुधारदेखि लिएर भारत भ्रमण, अन्तर्राष्ट्रिय सम्मेलनहरूमा सहभागिता, राहत वितरण, भूमि उपयोग, बजेट सहायता र सांस्कृतिक सहकार्यलगायतका विषयमा निर्णय गरेको हो ।
