काठमाडौं । दुई कम्पनीको बोनस शेयर नेप्सेमा सुुचीकृत भएको छ । यसरी सुचीकृती हुनेमा नेशनल लघुवित्त र रुरु जलविद्युत परियोजना रहेका छन् ।
आइतबार नेशनल लघुवित्तको १४.२५ प्रतिशत बोनस बापतको १६ लाख ६० हजार ८ सय ६८ कित्ता बोनस शेयर नेप्सेमा सुचीकृत भएको छ भने रुरु जलविद्युत परियोजनाको १५ प्रतिशत बोनस बापतको ७ लाख ३९ हजार ९ सय ८५ कित्ता बोनस शेयर नेप्सेमा सुचीकृत भएको छ ।
यी दुई कम्पनीको बोनस शेयर नेप्सेमा सुचीकृत भएसँगै शेयर दोस्रो बजारमा कारोबार गर्नेको लागि योग्य भएको छ ।
