काठमाडौं । लक्ष्मी लघुवित्तले बुक क्लोजको मिति तोकेको छ । साधारणसभा तथा घोषित लाभांश वितरण प्रयोजनको लागि सो कम्पनीले बुक क्लोजको मिति तय गरेको हो ।
सो अनुसार कात्तिक ३० गतेसम्म कायम रहने शेयरधनी साधारणसभामा सहभागी हुन र प्रस्तावित बोनस शेयर र नगद लाभांश प्राप्त गर्न योग्य हुनेछन् । कम्पनीले मंसिर १० गतेका लागि साधारणसभा बोलाएको छ ।
यसअघि सो कम्पनीले २० प्रतिशत बोनस शेयर र ७.३६ प्रतिशत नगद लाभांश घोषणा गरिसकेको छ ।
