काठमाडौं । नेपालले एक महिनामा ५ करोड रुपैयाँभन्दा बढीको तास आयात गरेको छ । चालू आर्थिक वर्षको असोज महिनामा मात्रै नेपालले ५ करोड ६५ लाख ८९ हजार रुपैयाँको तास आयात गरेको हो ।
भन्सार विभागका अनुसार साउनदेखि असोजसम्म नेपालमा कुल ११ करोड ७७ लाख ५३ हजार रुपैयाँ बराबरको ३९ लाख ८५ हजार ६०३ थान तास आयात भएको छ ।
गत भदौ महिनासम्म ६ करोड ११ लाख ६४ हजार रुपैयाँ बराबरका २० लाख ७ हजार ८९२ थान तास आयात भएका थिए ।
नेपालमा सबैभन्दा बढी तास चीनबाट हुने गरेको छ ।
नेपालमा भारत, बेलायत र अमेरिकाबाट तास भित्रिने गरेको छ ।
