काठमाडौं । चालू आर्थिक वर्ष २०८०/८१ को १० महिना अर्थात साउनदेखि वैशाख महिनासम्मको वैदेशिक व्यापारमा आयात निर्यात दुबै घटेको छ । यस अवधिमा आयात २.३९ प्रतिशतले घटेको छ भने निर्यात ३.६१ प्रतिशतले घटेको हो ।
भन्सार विभागले सार्वजनिक गरेको तथ्यांक अनुसार चालू आवको वैशाख महिनासम्ममा १३ खर्ब ३ अर्ब रुपैयाँको वस्तु तथा सेवाआयात भएको छ । गएको वर्षको सोहि अवधिमा १३ खर्ब ३५ अर्ब रुपैयाँको वस्तु र सेवा आयात गरिएको थियो ।
त्यस्तै, यस अवधिमा १ खर्ब २६ अर्ब रुपैयाँ बराबरको वस्तु तथा सेवा नेपालले निर्यात गरेको छ । गत वर्षको यही अवधिमा १ खर्ब ३० अर्ब रुपैयाँको वस्तु तथा सेवा आयात गरेको थियो ।
यस अवधिमा नेपालले ११ खर्ब ७७ अर्ब भन्दा बढी व्यापार घाटा व्यहोरेको छ । गत आर्थिक वर्षको सोही अवधिमा यस अवधिमा नेपालले १२ खर्ब ४ अर्ब रुपैयाँ व्यापार घाटा व्यहोरेको थियो ।
मंसिर महिनासम्म १४ खर्ब २९ अर्ब रुपैयाँ बराबरको वैदेशिक व्यापार भएको छ । गत वर्षको सोहि अवधिमा १४ खर्ब ६६ अर्ब रुपैयाँ बराबरको वैदेशिक व्यापार भएको थियो ।
