काठमाडौं । सानिमा बैंकको नाफा ११.४१ प्रतिशतले बढेको छ । चालु आर्थिक वर्षको दोस्रो त्रैमाससम्मको विवरण अनुसार पहिलो ६ महिनासम्मा बैंकले १ अर्ब १३ करोड ८६ लाख रुपैयाँ नाफा कमाएको छ । यो गत बर्षको तुलनामा ११.४१ प्रतिशतले कम हो । गत बर्षको सोही अवधिमा १ अर्ब २८ करोड ५३ लाख रुपैयाँ नाफा कमाएको थियो ।
बैंकको खुद व्याज आम्दानी ३ अर्ब १ करोड रहेको छ भने गत आर्थिक वर्षको सोही अवधिमा ३ अर्ब २१ करोड रुपैयाँ खुद व्याज आम्दानी गरेको थियो ।
पुस मसान्तसम्म बैंकको ६५ करोड १४ लाख ६० हजार रुपैयाँ वितरणयोग्य नाफा रहेको छ । १३ अर्ब ५८ करोड १५ लाख रुपैयाँ चुक्ता पुँजी रहेको बैंकको जगेडा कोषमा ५ अर्ब ४६ करोड ३२ लाख ६४ हजार रुपैयाँ रहेको छ ।
पुसको अन्त्यसम्ममा बैंकले १ खर्ब ८३ अर्ब निक्षेप संकलन गरेको १ खर्ब ५१ अर्ब रुपैयाँ कर्जा लगानी गरेको छ । प्रति सेयर आम्दानी १६ रुपैयाँ ८१ पैसा रहेको बैंकको प्रति सेयर नेटवर्थ १४५ रुपैयाँ ०२ पैसा रहेको छ ।
