काठमाडौं । सुनचाँदी बजारमा आज सुनको मुल्य २४ सय रुपैयाँले घटेको छ । आइतबार छापावाला सुनको मुल्य प्रतितोला १ लाख १९ हजार २ सय रुपैयाँ कायम भएको छ ।
सोमबार प्रतितोला १ लाख २१ हजार ६ सय रुपैयाँमा कारोबार भएको सुनको मुल्य आज २ हजार ४ सय रुपैयाँले घटेर प्रतितोला १ लाख १९ हजार २ सय रुपैयाँ पुगेको नेपाल सुनचाँदी व्यवसायी महासंघले जनाएको छ । सोमबार सुन अहिलेसम्मकै उच्च मूल्यमा पुगेको थियो ।
त्यस्तै, तेजावी सुनको मूल्य प्रतितोला १ लाख १८ हजार ६ सय ५० रुपैयाँमा कायम भएको छ भने चाँदीको मूल्य प्रतितोला १ हजार ५ सय रुपैयाँमा कायम भएको महासंघले जनाएको छ ।
