काठमाडौं । आज पनि सुनको मूल्य घटेको छ । बुधबार छापावाला सुनको मूल्य प्रतितोला १ लाख १४ हजार ७ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
लगातार आइतबारदेखि घटेको सुनको मूल्य आज बुधबार पनि घट्न पुगेको छ ।मगलबार प्रतितोला १ लाख १५ हजार रुपैयाँमा कारोबार भएको सुनको मूल्य आज ३ सय रुपैयाँले घटेर प्रतितोला १ लाख १४ हजार ७ सय रुपैयाँमा कायम भएको महासंघले जनाएको छ ।
त्यस्तै, तेजावी सुनको मूल्य प्रतितोला १ लाख १४ हजार १ सय ५० रुपैयाँमा कायम भएको छ भने चाँदी प्रतितोला १ हजार ३ सय ८५ रुपैयाँमा कायम भएको महासंघले जनाएको छ ।
