काठमाडौं । नेपाल दुरसञ्चार प्राधिकरणले दुई वटा इन्टरनेट सेवा प्रदायकको अनुमतिपत्र खारेज गरेको छ । शुक्रबार प्राधिकरणले एक सुचना जारी गर्दै गल्कोट लिंक प्रालि, बागलुङ र सुर्खेत केबल नेट टिभी प्रालि सुर्खेतको अनुमतिपत्र खारेज गरेको हो ।
प्राधिकरणले जारी गरेको सूचनाका अनुसार यी कम्पनीहरुले नवीकरणका लागि समयावधि भित्र निवेदन पेश नगरेपछि नियामकले लाइसेन्स खारेज गरिएको हो ।
प्राधिकरणका अनुसार दूरसञ्चार ऐन, २०५३ को दफा २५ (५) अनुसार यी सेवाप्रदायकको अनमतिपत्र स्वतः खारेज भएको छ । साथै दुवै कम्पनीलाई आगामी ३० दिनभित्र तिर्नुपर्ने रकम बुझाउन पनि निर्देशन दिएको छ भने अन्यथा प्रचिलित कानून बमोजिम कारबाही प्रक्रिया अघि बढ्ने प्राधिकरणले जनाएको छ ।
