काठमाडौं । वाणिज्य आपूर्ति तथा उपभोक्ता संरक्षणले सोमबार २१ फर्ममाथि अनुगमन गरेको छ । सोमबार बजार अनुगमनको क्रममा विभागले खाद्य वस्तु, किराना पसल, भाँडाकुडा, विविध र अन्य पसललाई कारवाही गरेको हो ।
विभागको संयुक्त अनुगमन टोलीले बिल बिजक, दर्ता प्रमाण–पत्र राख्नु पर्ने नराखेको र दर्ता प्रमाण पत्र नराखेको गुणस्तर, परिमाण, मुल्य, नापतौलमा हेरफेर गरेको र अनुगमनको क्रममा असहयोग गरेको अभियोगमा सम्बन्धित पसलबाट यो परिमाणमा आर्थिक जरिवाना गरेको हो ।
सोमबार २१ वटा व्यापारिक प्रतिष्ठानमा अनुगमन गरिएको थियो । यसमध्ये कैफियत भेटिएको ८ व्यापारिक प्रतिष्ठानलाई जरिवाना तिराएको छ भने अन्यलाई सुधार गर्न निर्देशन दिइएको छ ।
विभागले सिपाडोलमा रहेको विविध पसलालई ३ लाख रुपैयाँ जरिवाना गरेको छ भने कालिमाटीमा रहेको भाँडाकुडा र नयाँ बानेश्वरमा रहेको अन्य पसललाई २०/२० हजार रुपैयाँका दरले जरिवाना गरेको छ ।
त्यस्तै, बुद्धनगरमा रहेको किराना पसललाई १५ हजार रुपैयाँ जरिवाना गरेको छ भने काठमाडौंमा रहेको किराना पसललाई १० रुपैयाँ जरिवाना गरेको छ । त्यस्तै, अन्य ३ पसललाई ५/५ हजार रुपैयाँका दरले जरिवाना गरेको छ ।
नियमित अनुगमनका क्रममा विभागले विभिन्न पसललाई कागजातसहित विभागमा उपस्थित हुन भनेको छ भने कतिपयलाई सामान्य निर्देशन दिएको छ ।
