काठमाडौं । नेपाल विद्युत प्राधिकरण पोखरा वितरण केन्द्रले गण्डकी प्रदेश सरकारको भौतिक तथा पूर्वाधार विकास मन्त्रालयको बिजुली काटिदिएको छ । ४ महिनादेखिको विद्युत महशुल नतिरेको भन्दै प्राधिकरणले आज बिहानदेखि मन्त्रालयको विद्युत् आपूर्ति बन्द गरिदिएको हो ।
पटकपटक ताकेता गर्दा पनि महसुल नबुझाएपछि लाइन काट्नुपरेको प्राधिकरणले जनाएको छ । मन्त्रालयले १ लाख ५३ हजार रुपैयाँ महसुल बुझाउन बाँकी छ ।
