काठमाडौं । नेपालले यूएई विरुद्ध १३५ रनको लक्ष्य पाएको छ । आज मुलपानीको क्रिकेट स्टेडियममा भएको आईसीसी टी २० विश्वकप एशिया छनोटको सेमिफाइनल खेलमा यूएईले १३४ रन बनाउँदै नेपाललाई १३५ रनको लक्ष्य दिएको हो ।
टस जितेर पहिले ब्याटिङ रोजेको यूएईले २० ओभरमा ९ विकेट गुमाएको छ । यूएईका वृत्या अरविंदले सर्वाधिक ६४ रनको योगदान दिए । त्यस्तै, मोहम्मद वसिमले २६, अलीशान शरफूले १६ रन र आसिफ खानले १३ रनको योगदान दिए । अन्य खेलाडीले भने दोहोरो अंक बनाउन सकेनन् ।
नेपालका लागि कुशल मल्लले ३ विकेट, सन्दिप लामिछानेले २ सोमपाल कामी र रोहित पौडेलले १/१ विकेट लिए ।
