काठमाडौं । गत आर्थिक बर्ष २०७९/८० को व्यापार घाटा १४ खर्ब ५४ अर्ब ५९ करोड रुपैयाँ पुगेको छ । भन्सार विभागले सार्वजनिक गरेको विवरण अनुसार अघिल्लो आर्थिक बर्ष २०७८/७९ को तुलनामा गत आर्थिक बर्षको नेपालको वैदेशिक व्यापार घाटामा १५.४५ प्रतिशतले कमि आएको हो । तर अधिल्लो आर्थिक बर्षको सोही अवधिमा १७ खर्ब २० अर्ब रुपैयाँ थियो ।
भन्सार विभागले सार्वजनिक गरेको विवरण अनुसार आयात १६.०८ प्रतिशतले र निर्यात २१.४४ प्रतिशतले घटेको छ । विभागका अनुसार असारसम्ममा नेपालले १६ खर्ब ११ अर्ब ७३ करोड रुपैयाँ बराबराबको आयात गरेको छ भने १ खर्ब ५७ अर्ब १४ करोड रुपैयाँ बराबरको वस्तु निर्यात गरेको छ ।
आर्थिक बर्ष २०७८/७९ को सोही अवधिमा आयात १९ खर्ब २० अर्ब रुपैयाँ भएको थियो भने निर्यात २ खर्ब रुपैयाँ निर्यात गरेकाे थियो । तर गत वर्षको सोही अवधिको आयात निर्यात अनुपात ६.८३ प्रतिशतले बढेको छ ।
