काठमाडौं । सरकारले आगामी आर्थिक वर्ष २०८०/८१ का लागि १७ खर्ब ५१ अर्ब ३१ करोड रुपैयाँको बजेट ल्याएको छ । यो चालु आर्थिक वर्ष २०७९/८० को बजेटको तुलनामा कम हो । यस वर्ष सरकारले १७ खर्ब ९३ अर्ब ८३ करोड ७३ लाख रुपैयाँ बराबरको बजेट ल्याएको थियो ।
प्रत्येक आर्थिक वर्षको बजेट अघिल्लो वर्षको जेठ १५ गते ल्याउनुपर्ने संवैधानिक व्यवस्था अनुसार अर्थमन्त्री डा. प्रकाशशरण महतले संघीय संसदको संयुक्त बैठकमा उक्त बजे घोषणा गरेका हुन् ।
यसअनुसार चालु खर्चतर्फ ११ खर्ब ४१ अर्ब ३१ करोड पुँजीगत खर्चतर्फ ३ खर्ब २ अबर्ब ७ करोड, वित्तीय व्यवस्थातर्फ ३ खर्ब ७ अर्ब ४५ करोड रहेको छ । चालुतर्फको खर्चमध्ये ४ खर्ब ८ अर्ब रुपैयाँ बराबरको वित्तीय हस्तान्तरण गरिने भएको छ ।
सरकारले स्रोत जुटाउन राजस्वमा १२ खर्ब ४८ अर्ब ६२ करोड लक्ष्य लिएको छ । २ खर्ब ४० अर्ब आन्तरिक ऋण उठाउने भनेको सरकारले ४९ अर्ब ९४ करोड वैदेशिक अनुदान लिने छ । त्यसपछि बाँकी स्रोत पूर्तिका लागि २ खर्ब १२ अर्ब ६५ करोड रुपैयाँ वैदेशिक ऋण लिइने छ ।
कुन मन्त्रालयले बजेट कति ?
सरकारले २३ वटा मन्त्रालयलाई कुल १० खर्ब ३८ अर्ब ९१ करोड ३४ लाख रुपैयाँ बराबरको बजेट विनियोजन गरेको छ । जसमा सरकारले यस बर्ष सवैभन्दा बढी बजेट गृह मन्त्रालय, शिक्षा मन्त्रालय र भौतिक पूर्वाधार तथा यातायात मन्त्रालयलाई विनियोजन गरेको छ । आगामी आर्थिक वर्ष २०८०/८१ को लागि गृह मन्त्रालयका लागि १ खर्ब ९४ अर्ब १६ करोड ५३ लाख रुपैयाँ निनियोजन गरिएको छ । यो मन्त्रालयको बजेट हिस्सा १४.६९ प्रतिशत रहेको छ ।
भौतिक पूर्वाधार तथा यातायात मन्त्रालयको लागि १ खर्ब ३४ अर्ब ३९ करोड रुपैयाँ विनियोजन गरेको छ । जसमा मन्त्रालयको बजेट हिस्सा १२.९४ प्रतिशत रहेको छ । त्यस्तै, शिक्षा, विज्ञान तथा प्रविधि मन्त्रालयलाई १ खर्ब ९७ अर्ब २२ करोड विनियोजन गरेको छ । जसमा मन्त्रालयको बजेट हिस्सा १८.९८ प्रतिशत रहेको छ । सरकारले आगामी आर्थिक वर्षको लागि अर्थ मन्त्रालयतर्फ ४७ अर्ब २७ करोड रुपैयाँ बजेट विनियोजन गरेको छ । जसमा मन्त्रालयको हिस्सा ४.५५ प्रतिशत रहेको छ । उद्योग बाणिज्य तथा आपूर्ति मन्त्रालयको लागि ९ अर्ब ४५ करोड रुपैयाँ बराबरको बजेट विनियोजन गरेको छ । यस मन्त्रालयको बजेट हिस्सा ०.९१ प्रतिशत रहेको छ ।
आगामी आर्थिक वर्ष २०८०÷८१ को लागि स्वास्थ्य तथा जनसंख्या मन्त्रालय तर्फ ८३ अर्ब ९९ करोड विनियोजन गरिएको छ । सरकारले आगामी आर्थिक वर्षको लागि शिक्षा, विज्ञान तथा प्रविधि मन्त्रालयलाई १ खर्ब ९७ अर्ब २९ करोड विनियोजन गरेको छ ।
आगामी आर्थिक वर्षको लागि सरकारले खानेपानी मन्त्रालयलाई २८ अर्ब १५ करोड बजेट विनियोजन गरिएको छ । त्यस्तै, सरकारले संस्कृति पर्यटन तथा नागरिक उड्ययन मन्त्रालयका लागि ११ अर्ब ९६ करोड छुट्याएको छ । आगामी आर्थिक वर्षको लागि यो बजेट विनियोजन गरिएको हो ।
| मन्त्रालयको नाम | २०८०/८१(लाखमा) | ||
| 1 | प्रधानमन्त्री तथा मन्त्रीपरिषद्को कार्यालय | ५६०२० | |
| 2 | अर्थ मन्त्रालय | ४७२७६५ | |
| 3 | उद्योग बाणिज्य तथा आपूर्ति मन्त्रालय | ९४५९६ | |
| 4 | उर्जा जलस्रोत तथा सिंचाई मन्त्रालय | ८७४५०४ | |
| 5 | कानुन,न्याय तथा संसदीय मामिला मन्त्रालय | ७७५६ | |
| 6 | खानेपानी मन्त्रालय | २८१५५६ | |
| 7 | गृह मन्त्रालय | १९४१६५३ | |
| 8 | संस्कृति, पर्यटन तथा नागरिक उड्डययन मन्त्रालय | ११९६२६ | |
| 9 | परराष्ट्र मन्त्रालय | ६०२५७ | |
| 10 | वन तथा बाताबरण मन्त्रालय | १५५५८७ | |
| 11 | भूमि व्यवस्था, सहकारी तथा गरिवी निवारण मन्त्रालय | ७२४६६ | |
| 12 | भौतिक पूर्वधार तथा यातायात मन्त्रालय | १३४३९९६ | |
| 13 | महिला बालबालिका तथ जेठ नागरिक मन्त्रालय | १५७६२ | |
| 14 | युवा तथा खेलकुद मन्त्रालय | २८७५९ | |
| 15 | रक्षा मन्त्रालय | ५८८४४६ | |
| 16 | शहरी विकास मन्त्रालय | ६६१७५५ | |
| 17 | शिक्षा विज्ञान तथा प्रविधि मन्त्रालय | १९७२२५५ | |
| 18 | सुचना तथा सञ्चार प्रविधि मन्त्रालय | ८७१६७ | |
| 19 | संघीय मामिला तथा सामान्य प्रशासन मन्त्रालय | ९९६६२ | |
| 20 | स्वस्थ्य्य तथा जनसंख्या मन्त्रालय | ८३९९१८ | |
| 21 | श्रम रोजगार तथा सामाजिक सुरक्षा मन्त्रालय | ८०८२७ | |
| 22 | कृषि मन्त्रालय | ५८९८२१ | |
| जम्मा | १०३८९१३४ | ||
