काठमाडौं । चालु आर्थिक बर्षको फागुनमहिनासम्ममा आयात र निर्यात दुवै घटेको छ । साे समयमा आयात र निर्यात दुवै खुम्चिएको छ । भन्सार विभागले सार्वजनिक गरेको विवरण अनुसार आयात १९.१३ प्रतिशतले घटेको छ भने निर्यात २९.०७ प्रतिशतले घटेकाे छ ।
विभागका अनुसार फागुनसम्ममा नेपालले १० खर्ब ५८ अर्ब रुपैयाँ बराबराबको आयात गरेको छ भने निर्यात एक खर्ब नाघेको छ । साे समयमा निर्यात १ खर्ब ४ अर्वमा सिमित भएको छ । अघिल्लो आर्थिक बर्षको सोही अवधिमा आयात १३ खर्ब ८ अर्ब रुपैयाँ भएको थियो भने निर्यात १ खर्ब ४७ अर्ब रुपैयाँ निर्यात भएको थियो ।
विभागले सार्वजनिक गरेको तथ्याङ्क अनुसार नेपालको वैदेशिक व्यापार घाटामा १७.८६ प्रतिशतले कमी आएको आएको छ । अहिले व्यापार घाटा ९ खर्ब ५३ अर्ब छ जुन अघिल्लो वर्ष सोही अवधिमा ११ खर्ब ६० अर्ब रुपैयाँ थियो । तर गत वर्षको सोही अवधिको आयात निर्यात अनुपात १४.०२ प्रतिशतले बढेको छ ।
