काठमाडौं । सरकाले फागुन महिनामा १ अर्ब ६५ करोड रुपैयाँ बराबरको बजेट रकमान्तर गरेको छ । अर्थ मन्त्रालयले सार्वजनिक गरेको विवरण अनुसार ४ वटा आयोजनाबाट रकमान्तर गरिएकाे हाे । सरकारले सवैभन्दा धेरै वुढी गण्डकी आयोजनाबाट रकमान्तर गरेको छ । यस आयोजनाको ४० करोड रुपैयाँ बजेट नारायणी नदी नियन्त्रणको लागि रकमान्तर गरेको छ । यो रकम नारायणी नदी व्यवस्थापन आयोजना, चितवन रिभेन्टमेन्ट निमार्ण तथा तटवन्द निमार्णको कायमा खर्च गरिने भएको छ ।
त्यस्तै, वुढी गण्डकी आयोजनाको १ अर्ब रुपैयाँ सुनकोशी मसरन डाइर्भसन बहुउछेशिय आयोजनामा रकमान्तर गरिएको छ । उत्तर–दक्षिण राजमार्ग (कर्णाली, कालिगण्डकी र कोशी)बाट १० करोड रुपैयाँ बजेट मदन भण्डारी राजमार्गका लागि रकमान्तर गरिएको छ ।
अर्थ मन्त्रालयका अनुसार प्रदेश राजधानी जोड्ने राजमार्ग स्तरोन्नती कार्यक्रमबाट १५ करोड रुपैयाँ कटौती गरी यो बजेट सूर्यविनायक धुलिखेल र कोटेश्वर बानेश्वर त्रिपुरेश्वर सडकका लागि रकमान्तर गरिएको छ ।
फागनुमा ३७ करोड ४९ लाख निकासा
चालुआर्थिक बर्षको फागुन महिनामा सरकारले ३७ करोड ४९ लाख निकासा गरेको छ । अर्थ मन्त्रालयले सार्वजनिक गरेको विवरण अनुसार सरकाले कुल ३७ करोड ४९ लाख २ हजार ६८ रुपैयाँ बराबरको निकासा गरेको हो ।
मन्त्रालयका अनुसार सवैभन्दा धेरै आन्तरिक राजस्व विभाग अन्तगत चुरोटको अन्तशुल्क स्टिकर छपाइ प्रयोजनाको लागि २० करोड रुपैयाँ निकासा गरेको छ । त्यस्तै, लुम्विनी प्रदेश अन्तर्गतको बुटवल महानगरपालिकाको अधुरा आयोजनाको सिर्जित दायित्व भुक्तानी गर्ने प्रयोजनार्थ सशर्त अनुदान रुपमा वित्तीय हस्तान्तरण स्वीकृतीमा ३ करोड २८ लाख ६३ हजार रुपौयँ निकासा गरेको छ ।
