काठमाडौं । राष्ट्रिय स्वतन्त्र पार्टी (रास्वपा ) ले सरकारबाट बाहिरिने निर्णय गरेको छ । केन्द्रीय समिति र संसदीय दलको संयुक्त वैठकपछि पत्रकार सम्मेलन गर्दै सभापति रवि लामिछानेले सरकार छाड्ने उद्घोष गरेका हुन् ।
बैठकले प्रधानमन्त्री पुष्पकमल दाहाल प्रचण्डले सहमति कार्यान्वयन गर्न अनाकानी गरेको भन्दै सरकारबाट बाहिरिने निर्णय गरेको थियो । योसँगै रास्वपाका सरकारमा रहेका २ मन्त्री र १ राज्यमन्त्रीले साँझसम्म प्रधानमन्त्रीलाई राजीनामा बुझाउनेछन् ।
यसैबीच, सभापति लामिछानेले तत्काल सरकारको कुनैपनि पद नलिने बताएका छन् । उपनिर्वाचन जितेर आएपछि मात्रै पदमा जाने उनले बताए ।
