काठमाडौं । आरएसडिसी लघुवित्तको नाफा ६२ प्रतिशतले बढेको छ । दोस्रो त्रैमासमा वित्तीय विवरण अनुसार लघुवित्तले ७ करोड ९४ लाख रुपैयाँ नाफा कमाएको छ । गत वर्ष यस्तो रकम ४ करोड ८९ लाख रुपैयाँ रहेको थियो ।
लघुवित्तको खुद ब्याज आम्दानी ५६.३४ प्रतिशत बढेर १४ करोड ७५ लाख रुपैयाँ पुगेको छ भने सञ्चालन आम्दानी ५२.४४ प्रतिशत बढेको छ । त्यस्तै, कम्पनीको संचालन मुनाफा ५२.४४ प्रतिशतले बढेर १६ करोड ५१ लाख पुगेको छ । सो अवधिमा कम्पनीको वितरणयोग्य मुनाफा ६ करोड ५८ लाख रहेको छ ।
सो अवधिमा कम्पनीको प्रति शेयर आम्दानी १९ रुपैयाँ ७३ पैसा रहेको छ भने प्रति शेयर नेटवर्थ १३२ रुपैयाँ ४५ पैसा रहेको छ । कम्पनीको खराब कर्जा ०.८१ प्रतिशत रहेको छ ।
