काठमाडौं । रौटहट २ बाट निर्वाचित स्वतन्त्र सांसद किरण कुमार साह नेकपा एमालेमा प्रवेश गरेका छन् ।
साहलाई सोमबार एमाले अध्यक्ष केपी शर्मा ओली निवासमा खादा र टीका लगाएर एमाले प्रवेश गराइएको हो ।
प्रभु साहको सहयोगमा स्वतन्त्रबाट चुनाव जितेका किरणले पुनस् एमाले रोजेका हुन् । दुईदिन अघिमात्र प्रभु साहले गठन गरेको पार्टीमा किरनलाई राखेपनि उनले अस्वीकार गरेका थिए ।
चुनावअघि एमालेमै रहेका किरण जसपासँगको भागवण्डामा आफ्नो क्षेत्र एमालेले गुमाएपछि स्वतन्त्र रुपमा चुनाव लडेका थिए । चापाकल चिन्हबाट चुनाव लडेका शाहले ३२ हजार ८४२ मत पाएका थिए ।
उनका निकटतम कांग्रेसका मो।फिरदोस आलमले २८ हजार २ सय ४८ मत पाएका थिए । एमालेसँग तालमेल गरेको जसपाका शैलेन्द्र शाहले २ हजार २२ मत मात्र पाएका थिए ।
किरण ७४ को निर्वाचनमा तत्कालिन संघीय समाजवादी फोरमबाट उम्मेदवार बनेका थिए ।
