काठमाडौं । नेपाल स्टक एक्सचेञ्ज (नेप्से) १७.५६ अंकले बढेर २ हजार ६३ दशमलव ८३ विन्दुमा पुगेको छ । साताको दोस्रो दिन सोमबार २ सय ५३ कम्पनीको २ अर्ब ९३ करोड रुपैयाँ बराबरको ८२ लाख ७१ हजार कित्ता शेयर किनबेच भएको छ । आज नेप्से बढेपनि कारोबार रकममा भने गिरावट आएको छ । आइतबार ४ अर्ब ४ करोड रुपैयाँ बराबरको शेयर कारोबार भएको थियो ।
१३ उपसमूहमध्ये यस दिन १० उपसमूहको परिसूचक बढेको छ भने ३ उपसमूहको परिसूचक घटेको छ।आज १ सय ६५ कम्पनीको शेयर मूल्य बढेको छ । ३९ कम्पनीको शेयर मूल्य घटेको छ भने ७ कम्पनीको शेयर मूल्यमा स्थिर आएको छ ।
आज सबैभन्दा धेरै नविल बैंकको शेयर कारोबार भएको छ । आज कम्पनीको १६ करोड ८४ लाख रुपैयाँको शेयर कारोबार भएको छ । हिमालयन डिष्टिलरीको १६ करोड ६४ लाख रुपैयाँको शेयर कारोबार भएको छ ।एनआइसी एशिया बैंकको ११ करोड १४ लाख रुपैयाँको शेयर कारोबार भएको छ ।
आज कारोबारमा आएका ४ कम्पनीको शेयर मूल्यमा सर्किट लागेको छ । यसरी सर्किट लाग्नेमा धौलागिरी लघुवित्त, श्रीजनशील लघुवित्त, खप्तड लघुवित्त र अजोड इस्योरेन्स रहेका छन् ।
