काठमाडों । नेपाल राष्ट्र बैंकले २० अर्ब २५ करोड रुपैयाँ बराबरको ट्रेजरी विल जारी गर्ने भएको छ । बैंकले सोमबार सो रकम बराबरको ट्रेजरी विल जारी गर्न लागेको हो ।
बैंकले २८ दिनको लागि ५ अर्ब रुपैयाँ बराबरको ट्रेजरी विल जारी गर्ने भएको छ भने ९१ दिनको लागि ७ अर्ब ७५ करोड रुपैयाँ र ३६४ दिनको लागि नयाँ ७ अर्ब ५० रुपैयाँ बराबरको ट्रेजरी विल जारी गर्ने भएको छ ।
उक्त ट्रेजरी विल २८ दिनको माघ १७ गते परिपक्क हुनेछ भने ९१ दिनको अगामी चैत २१ गते परिपक्क हुनेछ । त्यस्तै, ३६४ दिनको आगामी पुस १७ गते परिपक्क हुनेछ ।
यो ट्रेजरी विल सोमबार दिउँसो २ बजे अनलाइन माध्यमबाट बोलकबोल हुनेछ । उक्त बोलकबोलमा बैंक तथा वित्तीय संस्था, सर्वसाधारण संस्था तथा सर्वसाधारण नागरिकले सहभागीता हुन सक्नेछन् ।
