काठमाडौं । नेपाल राष्ट्र बैंकले विभिन्न कोषमा रहेको २६ करोड ५८ लाख रुपैयाँ मुद्दती निक्षेपमा लगानी गर्ने भएको छ । बैंकले बिहीवार सूचना जारी गर्दै सो रकम १ वर्षे मुद्दती निक्षेपमा लगानी गर्न लागेको हो ।
राष्ट्र बैंकका कोषको २१ करोड २६ लाख रुपैयाँ क वर्गका वाणिज्य बैंकमा ३ करोड ९९ लाख रुपैयाँ ख बर्गका विकास बैंकमा र १ करोड ३३ लाख रुपैयाँ ग वर्गका वित्त कम्पनीहरूमा जम्मा गर्ने गरी निर्धारण गरिएको छ ।
निक्षेप लिन चाहाने इजाजतप्राप्त बैंक तथा वित्तीय संस्थाहरुले आफुले लिन चाहेको रकम तथा उक्त रकमको लिनका लागि प्रस्ताव गरेको व्याजदर समेत खुलाई पुस २० गते कार्यलय समय भित्र जानकारी गराउन राष्ट्र बैंकले अनुरोध गरेको छ । सो निक्षेपको अवधि ३६५ दिन अवधिको हुनेछ ।
