काठमाडौँ । गैर आवासीय नेपाली संघ (एनआरएनए) ले प्रधानमन्त्री प्रचण्डलाई बधाई दिएको छ । एनआरएनए अन्तर्राष्ट्रिय समन्वयन परिषद्का अध्यक्ष विनोद कुँवरले प्रचण्ड तेस्रो पटक प्रधानमन्त्री नियुक्त भएकोमा बधाई दिंदै कार्यकाल सफलताको शुभकामना व्यक्त गरेका छन् ।
प्रधानमन्त्री प्रचण्डले कार्यभार समालेलगत्तै कुँवरले बधाई दिँदै कुँवरले सरकारसँग सहकार्य गर्न तत्पर रहेको बताए । प्रचण्ड नेतृत्वको सरकारले लगानीमैत्री वातावरण बनाउने अपेक्षा गरेको कुँवरले बताए।
त्यस्तै, एनआरएनएले उठाउँदै आएका मुद्धाको सम्बोधन तथा नागरिकता सम्बन्धी विषय संसदबाट छिटै पास हुने विश्वास कुँवरले व्यक्त गरे ।
शुभकामनाका क्रममा कुवरले सरकारले सम्पूर्ण गैरआवासीय नेपालीको मुद्दाको उचित सम्बोधन गर्ने र गैरआवासीय नेपालीको नागरिकता सम्बन्धि विषयले पनि संसदबाट छिट्टै निकास निकाल्ने अपेक्षा लिएको बताए ।
