काठमाडौं । नेकपा एमालेले उपाध्यक्ष विष्णु पौडेललाई उपप्रधान तथा अर्थमन्त्रीमा पठाउने भएको छ । पौडेलसहित ज्वालाकुमारी साह, दामोदर भण्डारी र राजेन्द्र राईलाई आजै सरकारमा सहभागी गराउने भएको हो ।
नेकपा माओवादीले नारायणकाजी श्रेष्ठलाई पनि उपप्रधानमन्त्रीसहित भौतिक तथा पूर्वाधार तथा मन्त्रालयको जिम्मेवारी दिने निर्णय गरेकाे छ ।सत्ता साझेदार अर्को दल राष्ट्रिय स्वतन्त्र पार्टीका अध्यक्ष रवि लामिछानेले पनि उपप्रधानमन्त्रीसहित गृहमन्त्रालयमा दाबी गरेका छन् ।
आज सपथ लिनेमा एमालेका पौडेलसहित माओवादीका नारायणकाजी श्रेष्ठ, राष्ट्रिय स्वतन्त्र पार्टीका रवि लामिछाने र जनमतका अब्दुल खानको मात्रै सपथ हुने सम्भावना रहेको छ ।
